.......................
بقى كده ..
يا كورونا تلاعبينا
ويطير كده نومنا
سي السيد قاعد ومبلط
بأوامرة زاحمنا ...
على طول قلقان
ده ما بينامشي
على صوته تقوم قطر بيمشي
يجازيك يا كورونا
ده ما بيفصلشي
فينك يا هدوء ...
أطبخ له الطبخه وأساويها
سي السيد فيها لا يخفيها
بأوامره يدوق ...
ملحك كده زايد من شكله
أكلك مسلوق ..
ليه سايبه النجفه مصديه
مكسيه تراب ..
والنيش وكراسي البلكونه
ولا عش غراب ..
ماشي بيخبط
ويظبط هاتك تصليح
دي الحاجه سليمه يا إخواتي
مافيهاش تباريح ...
قلنا عالنت هينسانا
يتلهي في الفيس ..
ساعه ويعود تاني من الهدنه
معسكر تنظيف ...
أعملي نضفي سوي وخلي
زودي مسحوق ..
ما كفايه ياراجل ايه جرالك
دمنا محروق ...
أرحمنا شويه بقينا بكرة
والفجر أذن ما سمعتش
والشمس ضاربه في شباكنا
بتقول يا شروق
يجازيك يا كورونا ...
إمتى تغوري ونشم نفسنا
سي السيد أيدك على أيدنا
نغير في عادتنا ..
لا هو عيب بتساعد وفى بيتك
شارك في حياتنا ..
بقلم .. صبري رسلان