( في حبك يا مصر)
عنك يا مصر
واحنا صغيرين
يا ما حكولنا
وجمالك يا مصر
النهارده
شفناه بعيونا
وعن حبك يا مصر
كتير سالونا
ما يعرفوش أن حبك
فيرس وصابنا
اسمه كرونا
ايه علاجه
قلنا ده فيرس
ساكن من زمان
فينا
وعشان كده يا مصر
بحبك حب موت
وان فات عليا كرونا
أقابله بنكته مصريه
تضحكلها موت
هو المصري اللي
عمره اكبر من الزمن
واللي صبره
صبر الجمل
واللي عزمه
صنع البطل
هو اللي شيال
الحمول
من قديم الزمن
وعلي طول
يا مصر ربنا حارسك
من كرونا ومن اللي
خانونا
وحبوا يخدونا
لمصير مجهول
احمد شكري