**********
(قصيدة بالعامية المصرية)
************
كروان حزين
متحوصله ف قلبه المحن
لابد بركن الجمجمه
والحلم مصحوب بالانين
شكل الدواير والورق
شخابيط بتخنق غنوته
والخلق داير جوًه داير
من سنين
وصبيه عطشانه وشباب
والفرح باين ف العنين
وف خدودها اشتاقين
من فتحة الديل المجرجر
من كعب مرمر
ينتشى
يتعجل الشوق اللى طالت
زنقته ف نهر الطريق
زمر وزعيق
والبت ندًت بالعرق
والمحبوسين بين
الصوارى بينبشوا ف
بير الظما
القلب عاشق بالوما
والف كاهن رددوا نفس
الجواب:
-الخوف بيعدى-!
من سنين
لمًا كانوا بيحبسوا ف
صوته الكلام
*
-يام العواجز*- فطًميه
ناولبله شالك او حجاب
يدًفى بيه
يمكن يرووووق
لحظة م يشهق مرتين
ويجز عُرف الديك
يخرج حصاده ف الشروق
ترياق حنين بيمد وصله
ف الوريد!!
*************
الشاعر/أحمد عفيفي/ مصر
من ديوانى-ح تصدقى-
*ام العوجز -كنيةٌ-أطلقها المصريون
على-السيدة زينب- حفيدة الرسول