💜💜💜💜💜💜💜
غزلت توب من اربع الوان
خيط محبه وخيط سعادة
وخيط امان وخيط حنان
لجل ف الكبر ادفى بامان
نسجت الخيوط وبالمحبه راعتها
ومن اهتمامى ووقتى اديتها
كان خيط حرير غزله صعيب
بحفظه جوه جلبى من غدر الدنيا
ياوليدى يوم عن يوم يكبر
التوب الوانه تضوى ضي
بيكبر التوب وجلبى يتلهف عليه
من عين حساده نفسي اخفيه
جواه العين لا هيبان
وناس هتلاجيه
جوه الجلب مكانه وراعيه
توبى يوم عن يوم بيكبر
الله اكبر عرفت اغزل وكبر
خلاص يابت توبك ان اوانه
يرعاكى ويتلف حواليكى
الله يحميه من اعاديكى
توبى خيوطه حرير نعمين
ابتدت خيوطه تفك من بين ايدى
طب اعمل ايه فى تعب سنينى
اسيبه بعد ماكبر وان اوانه
واندب بختى ولى جراله
توبى كان امانى وعزى وكل مالى
توبى خدته فى حضنى وهوا صغير
اكتفيت بيه عن الناس
وقولت كفايه هوا خلاص
توبى كبر يا ناس
وعاوز من حضنى يغيب
طب دا،كلام
دنا ياتوبى من اول يوم ليك
ونا بعد الثوانى علشان املى عني منيك
ليه يا توبى يا دفيا فى اخر ايام
يا كل مالى سيبنى وماشى
يرضيك ونا نسيت عمرى وسنينى
احرسك بجلبى جبل عينى
تفك خيوطك خيط ورا خيط
طب هتلجى جلب زى جلبى
ولا حضن كيف حضنى
ولا ياتوبى مهتلاجى اوعى ياتوب
تقسى جليبى عليك والله مايجدر
اهوا كلام ولد عم حديد
لكن جلبى عمره مايقسي عليك
لف وطير فى الهوا ونا مستنيه
رجعتك ليا ورفع ايدى لرب البريه
يحفظك يا توبى وترجع تنور لياليا
♕♕♕♕♕♕♕♕♕♕
ام سلمى
♕♕♕♕♕♕♕♕