يا نسائنا بلاش انجاب
——————ده الجيل بقه زي الطين
رجاله ناقصها حجاب
———————-وبنات بتسب الدين
تلقى الراجل شهم شباب
——————ماشي بسلسله وسوارتين
واقف يتلولو على الباب
———————-ناتف دقنه والحاجبين
وملزق من غير اسباب
——————-ومبَلغط شامبو وفازلين
بس أمه تفتحله الباب
————————تلقى وراه الخطابين
عايزين المزه العناب
———————ام الجسم النادي الزين
تعاله يا تيس عندنا اغراب
————————جايين ليدك طالبين
يا ريتني ما خلفت شباب
——————-وكنت عقيمه ليوم الدين
تحس اللوم عن وشه غاب
———————فين المرجله راحت فين
يرحم جدك كان له شناب
———————من طولها توقف صقرين
كنت تشوفه بالجلباب
———————والعمه البيضه ام دورين
معدول الوقفه يتهاب
————————خرزانته طولها مترين
خلف ولد الحُر كلاب
——————-يجيبوله العار ليوم الدين
سكن البيت بعديه احفاد
———————-أرجل منهم النساوين
الشاب مرقع في هدومه
——————-وتحسه شحات من يومه
لو تيجي تعاتبه او تلومه
—————-يهب في وشك هب الكلاب
يهب في وشك زي الكلب
————————وراسمله تتوه وقلب
يا جته ما عايزه غير الصلب
——————وتتعلق في ميدان عابدين
اقلب بقه علي بت الجزمه
———————الي مصاحبه بالعشرين
لا أبوها ولا امها ليهم لزمه
———————-ولا عنها حاجه عارفين
في نص الشارع رابطه الحزمه
———————والولاد حواليها واقفين
عماله تترقص بت القِزمه
———————وشباب كيوت وفرحانين
تعمل ربكه وتعمل ازمه
——————مين يا قوقه هياخدك مين
طبعاً مش كل بناتنا كديتي
———————-ولا كل شبابنا مقندلين
بس الي انا قلته دلقيتي
———————-بقيو اكتر من العدلين
كلمات/
محمد طايع شاهين نصار