(أنا حبي ليكي) شعر غنائي بقلم الشاعر/محمد البريمي

شعر غنائى ..
((( أنا حبى ليكى )))
أنا حبى ليكى فاق  الحدود .. و أتمنى زمانى يرجع و يعود ..

و أرجع  أحبك تانى و تانى  .. و أزرعلك بإيديا ورود ..

و أكتب و أرسم ف الكراس .. و أقول بحبك يا أعز الناس ..

و أملا  و أفضى بإيدى الكاس .. و أغنيلك أنا موعود ..

       أنا حبى ليكى فاق الحدود

مهما قابلت أحبه  كتير .. ما  يملى عينى إلا التراب ..

أشغل بالى و روحى ليه ..  و   إنتى روحى  و  اعز الأحباب ..

مستحيل أتخلى عنك مهما كان ..لو هبيع العمر و  الزمان ..

فداكى عمرى و حياتى كمان .. و كل  م  أملك  من  أسباب  ..  

       أنا حبى ليكى فاق الحدود

أنا ليا مين أحبه  غيرك .. بعد إلاهى و ربى .. 

أشكيله  و  أقوله من غير كسوف ..  ع  اللى  ف  قلبى  ..

و  يشاركنى  حياتى و  دنيتى  .. و يكون سبيلى  ف شدتى   ..

و  يصعب  عليه دمعتى  .. و  أديله حنانى  و  حبى  ..    

       أنا حبى ليكى فاق الحدود

بقلم الشاعر ..
محمد البريمى ..