الشاعرة سعاد سعد 😍 والشاعر ياسر الغايش
الغايش
جربت ف مره إنك ترضي
وتبيع الدنيا بمفاتنها
جربت تصبر أحساسك
لو يوم مليت من عمايلها
جربت تعيش قانع صابر
وتسلم قدرك للقادر
وحده اللى بأيده يعٓدلها
سعاد
جربت
تطبطب على روحك
تسكت وتلملم فى آهاتك
تفتح شباك على هوا بوحك
ولا تشكى إلا فى صلاتك
تحضن ذاتك تشفى جروحك
زى فراشه جربت تطير
شاكر حامد وف أيها حال
تنعش تتبخر زى عبير
ومدام الصحة اهى عال العال
تحمد وتعيشها زى وزير
وتنام وتقوم مرتاح البال
الغايش
جربت تسامح يوم ذاتك
وتحاول تسكين اناتك
وتمد الأيد وتجيب بكره
و تخرج منه 200فكره
وتجرى آمالك ف وريدك
ماهى طول ما بتجرى
بأيد سيدك
كل اللى عليك انك تسعى
وربك يرضيك
سعاد
جربت كتير
وبدرت الحب عشان أراضيك
وشربت كتير من نار ظلمك قربعت محيط
وغلوبت ودوبت سافرت بلاد مافيهاش أراضيك
اعلنت التوبة وفوت العش طلعت حويط