كل سنه وانتي طيبه
يانبض قلبي
مش بس كل سنه
لا كل يوم وانتي عمري
كل يوم بيعدي وانتي
معايا بتملي حياتي
وتملي عليا دنيتي
يا احلى مافي عمري
النهارده جاي بقولك
يافرحه عمري وسنيني
كل سنه وانتي هنايا
وسبب سعادتي
جاي وبدعي ربي كل ليله
يديمك نعمه ف حياتي
مش لاقي كلام يعبرلك
عن كل اللي ف قلبي
بس يكفيني انك
ليلى وقمري وفرحه عمري
هديه بعتهالي ربي اكمل
بيها نص ديني
وعد مني لأصونك ف غيابك
كيف ماصنتي
وارسمك على راسي تاج
واتباها بيكي
ياحته من قلبي ساكنه
وريدي و روحي
او يمكن أغلى من روحي
كل سنه وانتي دنيتي وعمري
عايز اقولك بس كلمه
لو رجع بيا الزمن الف مره
هحبك ف كل مره
وكأني بحبك لأول مره
وادلعي على قلبي زي ماتحبي
وسوقي الدلال والمخطره
عمري منك لا هكل ولا همل
وهسمعك كأنك أجمل غنوه
حبك في قلبي حياه
ودنيا مليانه حنان وطبطبه
وهديه جميله ف حياتي
بتمنى اعيش معاها باقي دنيتي
#كل_سنه_وانتم_جميعا_طيبين
#كل_الاحباب_والاهل
#والاصدقاء_عيد_حب_سعيد
#الشاعر_عابدين_ابوالخير