أقرب تبعد .تقرب ابعد
ولا كل الحب إللى جمعنا قادر يلعب في المكتوب
ولا طعم الهجر إللى وجعنا عن حبك خلانى أتوب
والسكة إللى بتهوى خطانا بقساوتنا اترسمت طريقين
والصحبة الشاهدة على هوانا من الصدمة انقسمت فريقين
حبك جنة تكفى العالم دفا قلبك طارح بساتين
قلبي ف احضان قلبك نايم وعيونى ف رمشك ساكنين
وبحبك رغم انى الجانى وجرحتك وعنيك وحشانى
منا بعدك عايش وحدانى ولا ليا مع الافراح موعد
أقرب تبعد.تقرب ابعد
ياللى جرحتك من غير ماقصد هجرك ليا
وحياة القلب إللى فداك دا ماكان فى النية
ربنا قادر يوهب حبنا عمر جديد برجوعك ليا
ولا تبكى عيونك من تانى
ولا اعيش من بعدك وحدانى
ولا نسال مين فينا الجانى
ولا تبق الاحزان نهايتنا
ولا طعم الخوف يعرف بيتنا
ولا تبق نهاية حكايتنا
أقرب تبعد .تقرب ابعد
بقلمى نبيل عبد الرحمن