عايش يا خلق الله
مالى فى الهوا حيله
شايف عينيها مشتاق
طاله منها نظره بريئه
دايب فى الهوا يا ناس
ومالى فى الهوا وسيله
خطوه منها قلبى يروحلها.. وليها
دقه بتكبر واتارى السكه ليها طويله
عايش يا خلق الله
مالى فى الهوا حيله
فاكر هشغل قلبها بكلام
واتارى بيها الهوا غلاب
ذايد الوجع يا خال
وشايل فى عينيه ليها عتاب
دايب فى هواها دوب
وهى لقلبى ليها الف حيله
تايه ياخلق الله
والدنيا دى متاهه
كل مااقول الاه
الاقى منها مية شيله
تعبت ومش لاقى معاها حيله
نفسي فى يوم ارتاح
حتى ولو ليله
واضحك بقه وانسي
همومى المستحيله
كتير عليا ياربى
بس مش كتير عليك
تخلى قلبها يميل
ويرق للهوا الغلاب
دا انا بس قليل
الصبر والحيله
عايش يا خلق الله
مالى فى الهوا حيله
شايف عينيها مشتاق
طاله منها نظره بريئه
من كتاباتى
هشام عبدالله