يا طير يا مسافر وسايبنى
ما تاخدنى معاك
كتير م البشر بتبعنى
وأنا رايد سماك
ههاجر معاك لو حتى
ادتنى جفاك
الدنيا خدتنى ف دايرة
خلتنى ف آهات
مراكبى خلاص مش سايرة
وكفاية اللى فات
واللى باع هوايا ف ثانية
بقى م الذكريات
هتغرب معاك م الدنيا
واشوفلى طريق
ده الدنيا معاك حاجة تانية
بتغيت الغريق
أنا عندى الصداقة غالية
وأنا بمية صديق
أنا سايب مواجعى وماشى
ما تخفف عليه
لكل اللى باعنى أنا ناسى
وكفايه اللى بيه
أوعاك ألقى قلبك قاسى
أو فيه م الأسية
ما تقولى حاضر أو طيب
ولا أنت كمان
خايف م البشر بتعيب
على غدر الزمان
أنا شايفك صديق و أوريب
أنا طالب أمان
بقلم : فاتن محمد رشاد
ليست هناك تعليقات:
إرسال تعليق