بجد
♥♡بجد♡♥
خود بالك دالحب خطير
إوعى تبيع وتخون العهد
وبحره واسع أوى وكبير
ولا يقدرعلـى موجــه حد
لوحبــتنى صحيح بضمير
لو حبتنى حقيقى بجد
لك منى الوفا والتقدير
هفرشلك فى طريقك ورد
وهاحبك برضه وبضمير
لك هاصون الهوى والوعد
وهنبأه سوا زى العصافير
مع بعض هنغنى وهنرد
لوحبتنى بدون تغيير
قلب بقلب ويد فى يد
فى حبك رح تلقانى أسير
وهاعديلك النار والسد
لوهتخنى ماهتشوف خير
قصر الحب عليك رح أهد
قلبى مش حمل التكسير
خليك صاين الشوق والود
قلبى بيعطى ويوفى كتير
لكن لو خنته هيتسد
انا ع المخلص ببأه حرير
انا ع الغادر نار وأشد
قلبى مايقبلش التخدير
ولا يسمح يتسلابه حد
انا حبيتك حب كبير
حب مالوش فى الدنيا قد
عنت عليك مالنسمه باغير
وغيرك مش راضى بحد
على أشوقى صبحت أمير
وف لياليـّا ملكت الـُسهد
ساعةلؤاك مالفرحه باطير
وباموت لما بتنوى البعد
قولى بحبك قولها كتير
قولها وعيدهامن غير عد
انتا حبيبى انتا لا غير
ولا قبلك عندى ولا بعد
لو حبتنى بدون تأخير
قول من حبك ايه القصد
لو هدفك لجواز بتسير
اهلا مرحب يادى السعد
لو حبتنى وناوى الخير
تعالى لابويا ومد اليد
مش عيب انك تبأه فقير
ولاعيب تبأه بسيط عالقد
كل شئ فى بدايته عسير
بس شد عزيمتك شد
اتوكل على رب قدير
ربك فضله يفوق الحد
ربك فى ايديه التيسير
أحن منه مافيش ع العبد
الفرحه مش زفه وتصوير
ولاكوافير ودهان ع الخد
الفرحه بيت وولاد أمامير
وحبيب يحب حبيبه بجد
بجــــــــــــــــــــــــــــــــــــد
شاعر الإحساس
رضاعبدالحميد
