وحلمي شئ ما يتصدقش
وأحلم تاني وكأني
بقول لحلمي ما تتحققش
ولسه ف سكتي رحال
وف رحلتي قصه حب
جات كده غصب يارب
بس الفرق كان بينا
يخليني ما اتجرأش
ورميت الحمل فوق ظهري
ومن وادي لوادي بوصله
وسنين بتعدي من عمري
بس الزمن ما بيفكرش
وهافضل كده رحال
احب واداري جوايا
ولا عشان بسيط الحال
قلبي دا ما يتقدرش
قولت اكتب كل شئ من جوه
وما دام دا حلم
يبقي هاحبو وبقوه
ولا كمان انا ما احلمش
رحال
وكل رحله فيها حكايه
وافضل غريب ف بلاد
وابقي تايه جوايا
وفيه اماكن برجعلها
واماكن تاني متكررش