((( رنة خلخالك )))
يم الخلخال الفضي
ليه مشيتك وخداني
خطوة تسابق خطوة
ورنة خلخالك شداني
على جسور الهوى قلبي
رسم طريقه وما في غيرك أدامي
ويوم وري يوم قلبي
ب يتوه نبض حنينه وما يلقاني
يهرب م ضلوعي ويجري
على خطاويك وينساني
وتخدني الغربة ف عينيك
لما أشوف خجلك م خيالي
آه من ضمة وحشتك يا زمن
خلت الدنيا دمعها ملاني
يم الملايا اللف والياشمك
ايه اللى فيك خلاني
اسمع رنة خلخالك ألاقي
قلبي يرفرف ف أحضاني
لا منك قدرت ابعد عنك
ولا منك نهيت مشواري
ولو قلبك سمع طبل قلبي
يبقى الخلخال هو مرسال غرامي
وأيدي ف أيدك نكمل سوى المشوار
ورنة الخلخال ها نسمعها زغرودة ف العالي
&&&&&&&&&&&&&&
يحيى نفادي سيد
ليست هناك تعليقات:
إرسال تعليق