زمن توتو وسوسو
قبل عيد ميلادك
خدها مني يا ابني نصيحه
علشان عيشتك تبقي مريحه
لف الاخلاق بسيجاره
ورصها كمان علي حجاره
سنجه بايدك مطواه بجيبك
الخيانه صاحبك الغدر حبيبك
صاحب توتو وسوسو
اللي يقابلك دوسو
عاوزك م الشبيحه
دخل الشهامه جراچ
اصل الجدعنه بقت سوفاچ
امشي بعرض الشارع
افتح صدرك صارع
علي عادتنا القديمه دوس عالزناد
دي بقت بيئه قبيحه
وكله بالقانون ماهو لعبتنا ومضمون
لو سنك فوق الخمسين
اتشاقي بالاجرام تتلاقي
هاطلعلك شهاده جديده
تثبت وترجع طفولتك البعيده
اعمل مابدالك مفيش حاجه هتجرالك
اصلها سبهلله وفضيحه
خدها مني باقولهالك
زمن الاصول والعادات
راحت عليه بقا في سبات
الراجل بفلوسه وعضلاته
مش بشهامه تسوقه لمماته
ولا بشهاده شايلينها السريحه
ماتقولش عليا سقيل وكئيب
حالنا يخلي الحلم جوانا يشيب
ماهي دنيا دانيه فرحتها تغدر بثانيه
ونهارها خاضع ذليل لليل طويل
فارد ظلمه الساكن نفوس جريحه
ليست هناك تعليقات:
إرسال تعليق