يا ابن بلدى
أنا عارفة قيمتك
عارفة إنك حتة منى
اوعى تيجى فى يوم
تفكر فى السفر
والبعد عنى
إنت عارف عمرى ما اقدر
إنى اعيش لو غبت عنى
يا ابن بلدى جوه بلدك
إنت ليك كل المحبة
لما تتغرب وتمشى
الأمانى بتستخبى
واحنا بيك وبكل مصرى
القلوب هتبقى شابة
يا ابن بلدى إوعاك تخاف
أو تقول مش لاقى نفسى
أو تحس إنك فى بلدك
شئ صغير حتى منسى
عايزة أقولك إن مصر
فى حضنها عليها ترسى
يا ابن بلدى لو شمس غابت
تانى يوم تلقاها طالعة
اوعى يوم ألقاك فى حزن
وألقى روحك تايهه ضايعة
ده أنت فيك أديب وعالم
وابن بلد فى ايده صانعة
مصر حبه يكون ولادها
بين درعها فى حضنها
بالمودة والمحبة
كله ساكن قلبها
هى أمى وغالية عندى
عاشق ترابها وأرضها
بقلم : فاتن محمد رشاد
ليست هناك تعليقات:
إرسال تعليق