بقلم الشاعر/ محمد🔥شعله
لو تقدر على نسياني إنساني
إسمي و ملامحي و عنواني
والساعات والدقايق والثواني
وكل دقه من قلبك علشاني
لو تقدر
لو تقدر إنك لا تتنفس هوايا
ولا عطر الورد اللي جوايا
أوحتى تشتاقلي وإنت معايا
أصدقك لو قلت تقدر تنساني
لو تقدر
تبعد وتتحمل عذاب بعادي
ونظرة عنيا و لمس الأيادي
ونار شوقك لحضني و ودادي
أصدقك لو قلت تقدر تنساني
لو تقدر
دقيقه ولاثانيه متكلمنيش
في دنيا غيري فيها مفيش
وإنك ممكن من غيري تعيش
أصدقك لو قلت تقدر تنساني
لو تقدر
لوتقدر يوم متكونش أناني
تخلي قلبك يعشق حد تاني
ويهواه زي ما كان بيهواني
أصدقك لوقلت تقدر تنساني
ليست هناك تعليقات:
إرسال تعليق