كل كلمة بقولها ليكى
فيها معنى الاعتذار
كل دمعة من عنيكى
ايدة جوه قلبى نار
كلمتى ليهم عليكى
كات دعابة وكات هزار
مش هجرح تانى فيكى
وكفاية شيلت المرار
ليه جمدتى وليه قسيتى
ذلى ليكى بقى انكسار
ده أنا قلت إنك نسيتى
لسه شايف الانفجار
لما باجى امسك ايديكى
من رفضك بحس عار
نفسى احس إنك صفيتى
هِدى ما بينا الجدار
هما شافوا إنك بقيتى
رافضة حبى عاشوا انتصار
حبى ليكى بيناديكى
كله صدق مش مستعار
حاسسينى إنك رضيتى
وكان عليه الاختيار
دى حياتى ماشية بيكى
ودى الحكاية باختصار
بقلم : فاتن محمد رشاد
ليست هناك تعليقات:
إرسال تعليق