كنت عارف يعني ايه الأحترام
كنت اقوم من كرسي لما
اشوف عجوز او مدام
او حتي شخص يكبرني سنا
او بنت واقفه ف المكان
كنت لما اشوف استاذي اجري
اخاف يشوفني ف الشارع
واتعاقب ف الطبور ‘‘ بدري
عشان مسمعتش الكلام
كنت لما اشوفه بيتكلم
اسكت وما اتكلمشي
عشان من كلامو أتعلم
هوه ايه يعني أحترام
علموني ازاي مخافش
واقول الحق برقبتي
امتي اسكت وامتي
يصبقني الكلام
..................
لما كنت صغير
..................
كنت بشوف ابويا وكلامو
مع جدي
كان يقوله بوجودك
هوه مين يابا قدي
النهارده نقول ع الدنيا السلام
لما كبرت بعيني شفت ..
أب .... وولادو بيهنوه
حتي اخواتو لو طالو يدبحوه
ولا حد بيحس بحد
ولا بسمع كلمه حرام
شفت مدرس عينو مكسوره
وتلميذ بفلوسه بيعدي
وحجااات كتير محزوره
معرفهاش انا وحدي
وانتو فهمين قصد الكلام
شلت جيلي من ذكرياتي
وحسيت اني كبرت
واتغيرت معالم حياتي
وتعبت لما انكسرت
لما اخويا عدا عليا
وما القاش السلام
نسينا الضحكه الي كانت فينا
وبقينا نكره بعضينا
وبندور علي الي لينا
والي علينا بننساه قوااام
صوت الحق سكتناه
والقوي فينا خوفناه
ولما بنسمع قوله اااااه
بنهرب عشان الملام
لما كبرت شفت بنت
ندمتني علي جيلي
ولما ابوها يسألها
تقولو يابابا دا زميلي
تطق الفرحه ف عنيه
عشان كبرت مشاءالله
تسهر بره طول اليل
وتقول كنت بذاكر معاه
وبقت النخوه معدومه
ودينا ... هوه الاسلام
دي مش قصيده بيقولها شاعر
ولا همني وزن الكلام
دا احساس نبض المشاعر
لما مات فينا الاحترام
ليست هناك تعليقات:
إرسال تعليق