،،،،
ياللي عديتي جنب قلبي
من الناحية الشمال
ياللي دقاته غنت
عشقك أحلى غنوة
ودندنه وتيني في موال
ياللي عقلي قبل قلبي
ليكي فكره مال
ياللي تفكيره معاكي
سارح في الخيال
روحي جواكي دابت
وبتسألني دايماً
عنك ميت سؤال
ياللي عيني فيكي
شافت روعة الحسن
ومنتهي حسن الجمال
ياللي حبك لفؤادي
كان هوس وجنون
كان درب من الخيال
صورتك جوه نن العين
ساكنة مهما البعد طال
ياللي كل حروف كلامي
لو حاولت توصفك مرة
ما يكفي كل الكلام يتقال
....
ياسر بسيوني
ليست هناك تعليقات:
إرسال تعليق