يا مصر انتي اولا
وباقولها ف سري وف العلن
يا مصر انتي اولا
وثانيا وثالثا
ورابعا وخامسا
انتي اهم من اي مهم
حضن دفي روحنا وياما ضم
شال همومنا زي كل ام
لما تطبطب وبحنانها تمحي الشجن
ولو بعدنا انتي مقربة
أرض وجذور طيبة
يا مصر انتي مدوبة
جوة قلوبنا حنين يكفي ميت مليون زمن
تحيا بلادي الف مرة
قادرة وقوية وعايشة حرة
باقية وغيرها هيبقي ذكري
علمتينا يعني ايه كلمة وطن
وانتي اقوي حتي م المحال
دايما قوية وباقية مهما اتقال
أرض بتطرح دايما رجال
بعزيمة اقوي من المحن
ومهما جينا ولا روحنا
ف حضنك انتي ياما ارتاحنا
ولو قدمنا ليكي روحنا
فداكي تبقي ارخص تمن
تحيا بلادي الف مرة
قادرة وقوية وعايشة حرة
وباقية وغيرها هيبقي ذكري
علمتينا يعني ايه كلمة وطن
يا مصر انتي اولا
محمد عبد المنعم
