صرخ القلم عالورق
والحبر منه نازف
لارسم بحبره طرق
ولا طريق راصف
حبره حاسس بالقلق
لاحرف قابل ينكتب
ولا شئ جميل واصف
ولا شعر ولا أدب
وكأنك ياحبرى جافف
ياما سطرت كتب
وزينت الأرفف
الكل رافض الكتب
أهل العلم للأسف
مافى حد منهم راغب
أى كتابه عالورق
حتى الكتب ياقلم
ماعاد ليها مصارف
حفظوها فى فلاشه
من غير جهاز ماحد ليها شايف
زمن الكتابه انتهى
أبكي ياقلم بالحروف
وقول على زمانك آآآآآسف
((( أسامه جديانه)))
