علشان تكون إنسان سوى
إخلع قناع الفهلوى
وإلبس حقيقتك
عيش الحباه بس بطريقتك
من غير خداع
من غبر ما تلبس 100 قناع
إفصل مابين رؤية وشوش
وما بين خﻻئك ويا ربك
فى الخﻻ
إعرف حدود المسأله
بطل تنافق
وتعيش فى دور قدوة شباب
خايف عليهم م العذاب
والنار فى جوفك مزهله
بطل تعيش دور الشريف
اللحيه والدم الخفيف
وتقود. عقول متسلسله
علشان تكون إنسان سوى
كون إنت
كون شخصك بجد
إياك تقلد أى حد
ويقولوا دا عنده إنفصام
إياك تثرثر فى الكﻻم
تصبح سؤال مش ﻻقى
رد
علشان تكون إنسان سوى
بطل تقضيها شعارات
وإن إنت صاحب إنجازات
وتعيش حياتك فى الصور
فوتو شوب باخدك للقمر
وتقضى وقتك في حكايات
علشان تكون إنسان سوى
إرضى بنصيبك فى الحباه
هتكون ساعتها أسعد سعيد
ﻻ الريح هتاخدك لإتحاه
وﻻ يوم تحس إنك وحيد
قرب لربك .وبحدود
إياك تعيش دور الشهيد
صدقنى راح تصبح قوى
علشان
تكون
إنسان
سوى.
كلمات / أحمد شاهين
2 / 5 / 20 20