سوسن محمد
كان لسه متخرج وفرحان
بقااا خلاص من الشجعان
حيحمي بلده من الجرزان
جرب بدلته قدام امه
وهي جريت عليه تضمه
الله عليك قمر. يا ابن عمري
تروح وترجع سالم يا ولدي
حاضر يا امي قومي ضمي
ومتنسيش في الفطار تدعي
ابنك يكون حامي حماهها
ومخلص علي كل عداها
وحرجع تاني افرح معاها
بفستانها الابيض يوم مناها
راح الولد في سينا كتيبته
هجم الوغد الخاين فجأه
دافع هو بروحه وجسده
مات شهيد و قابل ربه
وهو بيدافع عن ارضه وناسه
وامه قالت قلبي وجعني
فينك يا ابني عليك طمني
رجع جثه يا قلبي عليه
مات شهيد والكل دعاله
والخسيس فرحان بحاله
مش حنسيبب حقه ونجيبه
من كل خاين وجبان
باع الارض وسابك غرقان
دمك غالي علينا لازم حقك يرجع لينا