سيطل فجر الحق ياولدي ويندحر القرود
==================
ااااااه ولدي
اااهٍ يا فلذة كبدى
ياعيون بريئة
يا أصل وحقيقة
يا نور عيون بلدي
اااه يا ولدى
ياضِلاية خضرا
نحتِمِي تحتيها
يافرحة عيون أهلها
ياحافظ كيان بلدى
اااااه يا لدى
قتلوك الغدرة ياكَبَدي
غدروا بيك عُباد الدولار
رسموا بدمك لغدرهم صوَر
قالوا نخوفهم
قالوا نرعبهم
وهما بغدرهم للعالم عِبَر
اااااه يا ولدي...
يافلذة كبدي....
يانور عيون الوطن
يا شجرة طرحت محبة
يا قصة فِدا مِضَوية
علي طول الزمن
واِشهد يازمان
علي كل اللي خان
قول مين حمي الأوطان
ومين نهش فيها كانه حيوان
واشهد يا تاريخ
وسجل قصص البطولة
وشاور ع الأيادى الملعونة
أيادي التخريب
أيادي الترهيب
واكتب كمان عن أيادي الفِدا
أيادي ليلاتي عليها تحابي
تسهر في عز البرد لاجلها
وفي الحر تحمينا
في حضن الجبل
ووسط الصحرا واقفة تحمينا
لاهمها حياتهم واولادهم
وبيوتهم وامهاتهم
كل دول عندهم واحد
وبحفظ الواحد
وبحياتهم تحمينا
اااه يا ولدى
يا ابن بلدي
ياحامي الحِمي
يارافع دايما راية بلدى
قتلوك كُفار النِعَم
ما انت أكبرنعمة ياولدي
قتلوك تجار الدين
اللي حافظين ومشفاهمين
داانتَ انت لوَحدَك دين
لما تحافظ وتحمي المؤمنين
تبقي دين ....
لما تشل للخاين الإيدين
تبقي دِين.....
لما توَّقف الظالم عن ظُلمه
تِبقيَ دين....
لما تحمي وانت مش مَحمي
تبقي دين ....
وهي دي شريعة المؤمنين
يا دين الله ع الارض ماشي
بحفظ الله وبفضله ماشي
تبقي دين والا مش دين؟
لا...
تبقي أكيد قِبلة للمسلمين
والكل لابد تجاهك يصلوا
صلاة الشهيد
صلاة مليانة دمع وأنين
صلاة مليانة دعاء
علي كل ظالم
جرح قلوب الطيبين
لكن يا ولدي
يا فادي تراب بلدي
انت اليوم أعظم سفير
للشجاعة والتفاني
انت اعظم سفير
للمحبة قولوا
السلام قولوا
لحماية البشر
من كلِ الغجر قولوا
بأن ولدي في التفاني
مكانش عليل
ولدي طول عمره أصيل
واليوم انت اعظم سفير
مع السلامه ياولدي
مع السلامه ياكَبدي
وتفضل ذكراك جوة القلوب
أكبر دليل
بانك عمرك ما خنت
ولايوم ياولدي
بَيِّت وطنك عليل
ياعظم دليل
ع التفاني
يا أصل الشجاعة والضمير
مني ليك كلامي ياشهيد
يا غالي على الوطن
شهداء الوطن
===========
مساعد \ شحاتة مصطفى = الجندى \ احمد على
الجندى \ محمد عوض = الجندى \ احمد عبد الله
ملازم اول \ عبد الحميد الامام = الجندى \ احمد حامد
الجندى \ محمدحسين = الجندى \ محمود عادل
الجندى \ ابانوب عبد التواب = الجندى \ محمد عبد العزيز