،،،،،،،،،،،،،،،،،،،،،
من الفجر فقت وصورتك فاقت معي
عليها عيوني سارحه من دون وعي
وقلبي بصدري جن من كُثر الجمال
وبلّش يناديلك بخفقاتو تعي
وحتى تحسي بالمحبه والدلال
تمنيت شوفك قاعده وعم تسمعي
يا خوف قلبي تسافري بحلم الخيال
سفره طويله وما تعودي ترجعي
قومي معي نطوي الفيافي والجبال
غيابك وجع عاطول نزّل مدمعي
وحتى الثواني صرت عم حسُن طوال
وتا يظل صوتك نغمتو في مسمعي
بتخيلك بالكاس. كل ما رفعت كاس
وناطر تعودي كاس حبي ترفعي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح