...................
سنه و سنتين
تغيب عني ...
لكن من الشوق هتهرب فين
وخدت القلب ليه مني
وسبت دموعي عالخدين
وأنا لو قلبي يطاوعني
لأطفي في نار هتتعبني
وما أتحمل بعاده سنين
ليالي كتير أبات أسهر
مع الذكرى مع الأشواق
وأسأل نفسي ليه فاتني
يكونش لا حب يوم ولا داق
بأسم الحب صدقته
وجوا القلب ورسمته
وتاهت روحي في حلاوته
بدون تفكير ...
وهلل قلبي من الفرحه
يوم ما قالوللي جيت سارحه
في حضن عريسي بالطرحه
وإمتى يا بكره هتجيني
بأيدي تأخدني لحبيبي
هروح أحضن كده عيونه
والاقي غرامي في جفونه
ومد أيده لشوق سلم
سبقني قلبي راح سلم
لمست أيديه ...
لا عارفه ساعتها كان ماللي
وخوفي ده ليه ملك حالي
ودمع عيوني صحاني
بغرام واحده وحاضنه أيديه .....
وفين ده كله وأنا تايهه
وإحساااااااسي
ما قأليش ليه
وفين أنا منه
وعيونه بتهرب ليه
ما داس الورد
داس شوقي ووهم أنا فيه
وحاسه الدنيا شيفاني
وعين ورا عين بتتصعب
مسحه فى دمعي وتطبطب
تقوللي أنسيه ..
وعيشي الدنيا جيالك
ما تبكي عليه
أمل كداب بان ليلي
ما فيهش نجوم
وليه مكتوب يعيش
قلبي وحيد محروم
بقلم .. صبري رسلان