لذكري جميلة معاكي وخداني
ترقعي توبي ب صبر وتفاني
اللي دايب مني بالعافية
ولا بتسبيني ل برد العجوزة أعاني
بتليني قلبي ب ابتسامة عينيكِ
وتدفي روحي وحنانك جوا وجداني
وتحوطي جسمي الهزيل
بضمة شوق وحنيّة
وتلفلفيني في كام منديل
و ف طرحتك والجلابية
وتسقيني من ريقك السلسبيل
وتدوقيني من إيديكِ كل جميل
وتسمعيني بصوتك المواويل
وبرغم اني كنت معاكي عنيد
إلا بإيديكي وتطبطبي
ولا تحسسيني إني وحيد
وتمحي الحزن عني وتقربي
وتسرحيلي شعري
وتلبسيني بيجامتي
وتأكلينا وتشربي
وتقرأي لينا سورة
وتعلمينا بهداوه ولا تضربي
هي يادوب قرصة ودان
ساعتها كان اي مستخبي يبان
وكان كلامك رغم آلامك سيف
لا تشرقي ولا تغربي
إمينه ياامه لكي حظ من إسمك
غالية ورافعه راسنا
بيعرفوك من رسمك
بنت أبو موسي
العز والأصل والتقي
والكرم كان دربك
خليني في رحابك يا أمي
يمكن أنول جنتك
وربي ينعم عليا دايماً بطلتك
أنا عارف يا أمي إني حته من قلبك
وان بطاروة قعدتك
لا ممكن أكون وحداني
بقلم / فتحى نجم المنصورة
شتاء الجمعه 17يناير 2020