معدش فراق بيتعبني
ولا القرب هيسعدنى
ماتت حويا كل المشاعر
ولاجرح ولا فرح بقيت شاعر
ضحكتى باهتة ولا ليها صوت
وألف مرة في يومى بموت
وقلبي مقفول علي أحزانه
والفرح مش قادر منه يفوت
ياريت تكونوا مرتاحين
حزنى جوايا بقي معشش
وأحاول اهشه مايتهشش
وأقول بكره هيعدى
ألاقيه للفرح بيطفش
ياريت تكونوا مرتاحين
في وسط الناس انا سرحان
ولا منى حزين ولا فرحان
وإذا كان الذنب مش ذنبي
طيب ليه يارب أنا تعبان
شغلتكم نفسكم بيا
وعيونكم مركزة عليا
ونصبتم نفسكم قاضي
وحكمتم بالأحزان ليا
ياريت تكونوا مرتاحين
لو ضحكت تقولوا راق
ولو ساكت تقولوا مشتاق
لو بتكلم عن الحب يبقي قاصدها
ولما ابكي يبقي اكيد في فراق
اديني بسهر في ليلي وحيد
وكل واحد في حاله بعيد
وبستني لحد الفجر
وبتعشم في رب يريد
وكلم نفسي في مكاني
وصوتي يردلي تانى
ما أنا بس هكلم مين
وأنا عايش كده وحداني
وفي الوحدة شريط قدامك.بيعدى
لا يقف ولا يستني ولا يهدى
ويجيب حياتك كلها من سنين
( ياريت تكونوا مرتاحين)
بقلمي
أحمد.سنجر