شعر/سعاد سعد
فيه ملايكه تشوف بعيون القلب
فى العتمة ياهوووه نايمين بنخب
يا قلوب عامية الغل ماليها
عشت يا محبوب
جربت تشوف بعيون القلب
رنيت ع الحب ف يوم عيده
يا قلوب عامرة جميلة بالحب
حست تغريده و تنهيده
ملعونة يا دنيا كلك متاريس
اللى عليكى ناس متاعبس
بسطكوا العرض
بنظيط ونهيص
يا بتوع الفيس والسلفى
ف أمور تهليس
إزاى هتقابلوا المولى يوم العرض
بأيها وش يخرب بيت الغش
كان أحلى عريس
ما يفوته الفرض
وتقولوا اخدنا التصاوير يا حكومة
برافوا سجلتوا المعلومة
غطسوا راسكم ف الطين
قطعوا ضمايركوا المعدومة
واعملوا تأبين
طب كنتم فين ؟!
شيطان سعران
خد أحلى يمامة
موت ي يا شهامة
محمود كان شامة
لجمال الكون كان أحلى علامة
يلا أهى روح وتهون
دشنتوا الحق ف كام 100 هون
عملها و خاوفكوا الشمشون
إبن المجنونه
واللة إهانة
عامية قلوبكوا صابتها غيامة
موت ي يا شهامة
ويقولوا ميت يا شهيد
دول هما عليها عبيد و اموات
عشت يا محمود
كان يومك عيد
فرحان وسعيد
ف اجمل جلبية
عيشتى يا حرية
ملعونه يا دنيا
غفلانة وفانية
يسقط وياكى ..
قوانين ساكسونيا
يلا اهى فورة
جاها مليون غورة
فتحت عيون حلوة على الصورة
واهى طلعت حلوة
رجليك العاجزة المكسورة
هتطوف وتشوف
هتطير وتحلق منصورة
هتمد الروح لمداد الشوف
أهو مات الخوف
مديت الخطوة الوف
وتدب الرجل منين ماتحب
افرح واتهنى
بقا لك بدل العين اتنين وألوف ف الجنة
والروح الحرة تعزف أجمل غنوة
دى الجنة عشانك
المولى فرشها حرير ف حرير
اتهنى يا شهيد ا التحرير
روحك دى عبير
هتشوف بودانك
والحلوة عيونك تسمع
اللى ما شافه الخلق
طب عاوز الحق
الناس عميان بتخاف
عشت يا شواف
عبير دمك دا حمام
جه عطر أروحنا سلام
مشيان ع الدرب
بطل ي همام
دفيان بعيون القلب
عيشان ف سلام
واهو غار الكرب
عيونك شايفه بنور الرب