الورد ودود ..ودود الورد
بقلم..مرقص اقلاديوس
...............
الود زى الورد
عشان تفضل ريحته فيه
لازم تراعيه.
يعنى
صديقك إن قربت منه
يفرح بيك.
و إن بعدت عنه
يددور عليك.
يشوف فين أراضيك.
و إن كان زعلان منك تراضيه.
و إن كنت زعلان منه يراضيك.
يعنى
مهما قربت منه.
يفضل عارف
إن العقل عقلك،و القلب قلبك.
و إنك من حقك،
تحتفظ بسرك.
لو مش عاوز تبوح ليه بيه.
و طبعا إنت برضو
لو عاوز يحتفظ بسره،
ما تضغطش عليه.
يعنى
لو الظروف حكمت
و بعدت عنه.
ساعة ما تعوزه تلاقيه.
و كأنك كنت معاه
قبليها بيوم.
و كان بينكم حديث
و إنك لسه لم تنهيه.
يعنى
إنك تفكر
تدى صديقك إيه .
مش تاخد منه إيه.
تديلله اللى تقدر عليه.
تقولله كلمة تفرحه.
تساعده،،،تشجعه.
تجتهد قد ما تقدر،
من ربنا تقربه.
الود غالى
و مقامه عالى.
عشان كدة مع اللى بتحبه،
خد بالك.
عشان يفضل الود ريحته فيه.
ملاح بحور الحكمة
مرقص إقلاديوس
